Réaction Nordiste sur le lundi de Pentecôte

Une réaction nordiste sur le lundi de Pentecôte travaillé !

Monsieur L’ Premier Minisse,

Sauf vot’ respect. Mais j’cros que l’ lundi d’ Pentecôte travaillé mais pas payé. Ch’est eune connerie ! Mais comme vous avez pas l’air d’vouloir arvénir la dessus, j’ ai quand même quetcosse à vous d’minder :

Vous vénez d’ augmenter l’ Allocation pour personne âgée de 1,6 % et là, j’vous armercie du fond du cour pour m’ belle-mère qu’alle est dins eune maison d’artraite. Avec ches 4,56 euros qu’alle aura par mois in plus alle va pouvoir acater un brumisateur parceque ch’ti qu’o z’avez fait distribuer après l’hécatompe d’i a deux ans, il est périmé (ch’est marqué d’sus !).

Par conte là dusque j’vous dis pas merci, ch’est d’avoir augmenter les prix d’journée à payer dins les maisons d’artraite ! Là Monsieur l’ premier
Minisse, j’ ai l’impression que vous essayez d’ nous l’intiquer par l’ gros bout, si vous véyez chu que j’ veux dire.
Parceque cha fait quand même 102 euros d’ plus à payer à la fin du mos pour m’ belle mère.

Enfin, quand j’dis pour m’belle-mère, je m’comprinds. Parce que, comme min bieau-père il a travaillé 42 ans au jour, aux z’ Ateliers Centraux, in mourant, il a laiché eune pinsion de 880 euros. Et à ch’compte là, ch’est mi et mes deux bieaux-frères qu’in paie tous les mos les 1250 euros qui manquent pour l’maison d’ artraite à grand-m. euh à m’belle-mère !

Mi….j’sus solidaire avec ches viux ( j’ai même voté pour Chirac au deuxième tour in 2002..ch’est vous dire !). La question alle est pas là Monsieur le Premier Minisse, j’ai toudis trouvé qui fallot donner un cop d’mains à ches viux. Ténez, j’ai même essayé d’ comprinte chu que Giscard i avot voulu dire dins la Constitution Européenne..vous véyez que j’fais des efforts quand même !

Mais j’viens d’pinser à quetcosse :

J’sus déjà solidaire de m’ belle-mère pour l’lundi d’Pentecôte qui
arrife..vu que d’toutes manières, ch’est mi qui paie l’pinsion
d ’ grand-m..euh de m ’ belle-mère à partir du 10 d’chaque mos !

Alors là Monsieur l’ Premier Minisse, deux solutions, ou bien j’sus pas obligé d’aller travailler l ’ lundi d’ Pentecôte, ou bien ch’ jour là..ch’est vous qui payez
l’ maison d’ artraite.

Personnellemint, j’préféreros le première solution parceque ch’jour là, ch’est l’ducasse par min bout et que mes pitits éfants i viennent minger de l’tarte à gros bords que m’femme alle fait .

Bon Monsieur l’ Premier Minisse, j ’mets eune enveloppe timbrée pour la réponse, si qu’o pourrête fait vite parceque ch’est pour savoir si m’ femme alle fait de l’tarte ou pas.

Merci d’avinche.

NB : M’ femme alle pourrot faire une tarte un plus si qu’o savez pas quoi faire ch’jour là, cha sérot avec plaisir !.

NB Bis : j’inviteros mes deux bieaux-frères à l’ducasse aussi…

Réaction Nordiste sur le lundi de Pentecôte
Mot clé :    

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *